Turjan Hyska, pasditen e sotme, i ka kthyer vizitën moderatores së Fun Day, Fatma Methasani. Pak ditë para se të kurorëzonte në martesë dashurinë e tij me Orindën, Turi e kishte Fatmën të ftuar në “Oktapod”. Pasi Fatma i kërkoi arsyen pse nuk e kishte ftuar në dasmë, Turi, i ndier keq, mori Orindën në telefon dhe i kërkoi një ftesë për Fatmën. Kur mori miratimin e saj, Turi  e ftoi publikisht Fatmën në dasmë, por… ajo nuk i paska shkuar.

I ftuar në emisionin Fun Day për të promovuar nismën e tij të re në teknologji, “Falco”, Turi u përball edhe me surprizë të veçantë.

Meqenëse Turi është një fans i çmendur i revistës prestigjioze “The Economist”, Fatma i ka dhuruar atij numrin e fundit të kësaj reviste, ku kopertinë është vetë ai me aplikacionin Falco. I surprizuar, Turi tha se kjo ishte ndër dhuratat më të bukura që i janë bërë ndonjëherë.